Ás 13:53h. deste mediodía iniciábase un incendio forestal no concello lugués de Monforte de Lemos, parroquia de Marcelle. O lume quedou estabilizado ás 19,28 h. desta tarde. Segundo novas estimacións afecta unha superficie dunhas 30 hectáreas. No seu control traballan 1 técnico, 3 axentes, 7 brigadas, 3 motobombas, 4 helicópteros e 4 avións.
Doutra banda, xa está reparado o avión de carga en terra que sufrira un rebentón nunha roda mentres se dispoñía a respostar auga na base de Doade, durante as tarefas de extinción, tal e como informa Medio Rural.
