A VI Andaina e Carreira das Cidades contra o Cancro de Páncreas de Vilamartín, prevista para o 29 de outubro, segue sumando apoios. Un deles é unha iniciativa tamén solidaria que se porá en marcha o vindeiro venres 29 de setembro no Barco. Trátase da clase de zumba “Baila para marcar a diferenza”, prevista para as 20:45h. no pavillón vello da vila. As persoas participantes poderán realizar a súa aportación económica voluntaria destinada á carreira.
