Na sesión plenaria deste mes de xuño no Barco, celebrada este xoves, tomaba posesión como concelleiro do BNG na Corporación barquense Javier Rocha Rivera, que ocupa así o escano que quedara baleiro tras a renuncia de Suso Vilasánchez. Rocha prometía o seu cargo “por imperativo legal” e comprometéndose a “defender os dereitos e intereses da veciñanza do Barco e do pobo galego”.
E, neste mesmo pleno no que se estreaba como edil, interviña no punto de rogos e preguntas plantexando a informatización da xestión das escolas deportivas municipais e pedindo que se desbroce O Salgueiral pola cantidade de maleza que presenta.
A Corporación barquense conta cun total de 17 concelleiros: 9 socialistas, 5 do PP e 3 do BNG.