OurenseÚltima hora

Ludoteca e o campamento urbano do Concello de Verín visitarán o parque acuático Naturewaterpark de Vila Real (Portugal)

 

O vindeiro martes día 19 de xullo, un total de 46 nenos e nenas do Campamento Urbano e da Ludoteca do Concello de Verín, viaxarán a Vila Real -acompañados de catro monitores- para pasar una divertida xornada no parque acuático Naturwaterpark, o primeiro totalmente ecolóxico de Portugal.

Naturewarterpark é un complexo con moitas actividades, cunha gran variedade de piscinas con tobogáns, piscina con jacuzzi e chorros, campo de fútbol-praia, granxa doméstica, paintball e un parque de aventuras con arborismos, escalada, tirolina, camas elásticas, tiro con arco, minigolf, etc. En definitiva, un plan moi atractivo para completar as actividades de verán ofertadas por este servizo de conciliación familiar.

 

 

Esta iniciativa forma parte das actividades realizadas no servizo da Ludoteca de Verán e do Campamento Urbano, destinadas a conciliar a vida laboral e familiar dos proxenitores e cubrir o tempo vacacional dos menores, con idades comprendidas entre os 3 e os 10 anos, ludoteca; e os 11 a 14 campamento urbano. Ambas actividades son organizadas dende a Oficina Municipal de Información Xuvenil, área de Mocidade do Concello de Verín.

Artigos relacionados

Back to top button