Máis de 200.000 euros para mellorar as redes de abastecemento en Oímbra

A Consellería de Medio Ambiente colaborará co Concello de Oímbra para acadar a mellora nas redes de abastecemento e saneamento da vila ourensá. Así, representantes de ambas administracións asinaron esta mañá un convenio para fixar esta colaboración, que conta cun presuposto de máis de 200.000 euros. Tamén estivo presente a delegación territorial da Xunta en Ourense, a través de Marisol Díaz Mouteira.

O texto subscrito pola conselleira Beatriz Mato e pola rexedora local, Ana Vilarino, recolle que as obras proxectadas consisten en renovar a rede de abastecemento en mal estado e evitar os problemas de fugas e filtracións. Tamén se verá de mellorar a rede de saneamento e ao mesmo tempo irase completando a rede de pluviais.