Logo da exitosa “merenda secreta” que se desenvolvía en outubro na Tenda da Rita, este establecemento situado na zona vella do Barco, prepara outra nova proposta aberta ao público para esta fin de semana. En concreto, será o sábado 2 de decembro.
Desta volta será unha merenda dirixida pola enóloga valdeorresa Cecilia Fernández, onde se catará viño, cervexa artesá, licores e varios petiscos salgados e doces da despensa da Rita.
O acceso á merenda terá un custo de 20€ e os asistentes terán ademais un 5% de desconto directo nas compras que fagan esa tarde, adiantan dende o establecemento.
