O Polo de emprendemento e apoio ao emprego O Barco organiza o vindeiro 9 de maio unha actividade en formato mesa coloquio para identificar oportunidades de emprendemento no sector turístico, baixo o título “Valdeorras como destino turístico diferencial”. Terá lugar a partir das 11h. no Pazo do Castro (O Barco).
“Con esta actividade preténdese involucrar a diferentes empresas da comarca a impulsar un turismo de calidade, identificando oportunidades de emprendemento co obxectivo de ofrecer experiencias máis completas e atractivas”, explican dende a organización. O programa da xornada será o seguinte:
11:15-11:20h. Recepción e benvida.
11:20-11:30h. Presentación do Polo de emprendemento e apoio ao emprego.
11:30-12:30h. Mesa Coloquio: experiencia no turismo.
Participantes:
- Polo de Emprendemento O Barco.
- Pazo de Castro.
- Cluster de Pizarra de Galicia.
- Adega Alan de Val.
- Adega Roandi.
- Cova da Xabreira.
- Enoturismo Galicia
- A Tenda de Rita
12:30-13:15h. Dinámica de propostas para obter ideas e opcións de emprendemento que dean resposta ás necesidades do sector.
13:15-13:30h. Exposición das conclusións.
13:30 h. Viño valdeorrés.