Tras a cata con xurado popular, os stands das 17 adegas da XIX Feira do Viño de Valdeorras abrían de novo as súas portas na tarde do 16 de xullo. Malia ao intenso calor, multitude de persoas achegábanse ata a mostra e enchían ata a madrugada o recinto feiral, situado na praza de Viloira (O Barco). Algunhas chegaban no tren turístico “Valdeorras Expreso”, que percorría a vila.
A Fanfarria Taquikardia poñía un animado ritmo á tarde, e, xa pola noite, tomaban o relevo musical o grupo valdeorrés Los Íñigos, xa a medianoite tocaban os Gin Toni’s e o broche poñía o DJ Ozzy.
Fotos: Ángeles Rodríguez/ Carlos G. Hervella
