A partir das 19h. deste venres 29 de decembro agárdase unha visita moi especial ao Teatro Lauro Olmo do Barco. Os máis pequenos poderán ver ao Apalpador unha figura mítica da tradición galega ligada ao Nadal e que reparte castañas e caramelos.
A súa chegada estaba prevista, inicialmente para as 18h. na Biblioteca Florencio Delgado Gurriarán, pero finalmente será ás 19h. (é dicir unha hora máis tarde), no Teatro Lauro Olmo da vila. Nel poderá verse o seu espectáculo ‘O Apalpador e as palabras perdidas’.
