O Barco CCA busca modelos para a súa pasarela de moda

Na tarde do vindeiro 12 de setembro están previstos dous castings no Malecón co fin de seleccionar modelos da zona para a pasarela “O Barco de Moda” do Centro Comercial Aberto (CCA), que se celebrará o 21 de setembro. Un deles será para nenos (cun horario de 17:30h a 19:30h.) e outro para mozos e adultos (de 20h a 21:30h.).

Un xurado composto por representantes da Axencia de Modelos Luena será o encargado de levar a cabo a selección dos modelos. “Os únicos requisitos necesarios para participar son ser atrevidos e ter ganas de divertirse e de probar novas experiencias”, indican os organizadores.

Dende O Barco CCA matízase que “os menores de 18 anos deberán ir acompañados dun titor para poder presentarse ao proceso de selección”.