O Concello do Barco vén de facer públicas as actividades programadas pola Concellería de Servizos Sociais para conmemorar o Día internacional da Muller. O seu programa é o seguinte:
Do 7 ao 27 de marzo:
*Ciclo de cine “MULLERES NO CINE”: Coa colaboración do Cine clube Groucho Marx.
No horario habitual, a excepción das proxecións para os institutos, que terán lugar en horario de mañá.
7 de marzo: “Viaje hacia el Desierto”, de Margarethe Von Trotta.
14 de marzo: “Las cuatro Hijas”, de Kaouther Ben Hania.
21 de marzo: “Sala de profesores” de Ilker Çatak.
27 de marzo: “Mientras seas tu”, de Claudia Pinto Emperador.
Venres 8 de marzo:
12,00 horas: Concentración na Praza do Concello con motivo do día da Muller .
Lectura de manifestos: por parte do alumnado dos institutos de secundaria do Barco: Martaguisela, Lauro Olmo e Divina Pastora
Actuación musical: Colaboración do Conservatorio de Música do Concello do Barco.
Micrófonos abertos a tódalas asociacións de mulleres
Declaración institucional do Concello.
21,00 horas:
Representación teatral, coa colaboración da Concellería de Cultura.
Teatro Lauro Olmo. “Ingobernable” da Compañía Uxía Morán Gonzalez
O Concello Vello será iluminado en cor morada.
“Como todos os anos, o Concello remitiu invitacións por escrito aos centros de ensino secundario do Barco para que se sumen á celebración, á que tamén está invitada toda a veciñanza da localidade”, indican dende o goberno municipal.
