Dende este Nadal está nos quioscos e librerías o calendario de sobremesa do Periódico O SIL. Edítase como un agradecemento á fidelidade e ao apoio dos nosos subscritores, que o recibirán gratis co número de xaneiro de 2023.
Aquelas persoas que non sexan subscritoras do Periódico O Sil xa teñen a posibilidade de adquirir este calendario do 2023 nos quioscos e librerías por un prezo de 4 euros.
Os subscritores constitúen un dos piares que fan posible que, malia ás difíciles condicións dos últimos anos, e que se manteñen ata hoxe, esta cabeceira continúe viva e poñendo cada mes na rúa unha nova edición dos periódicos en papel O Sil e O Sil Deportivo, así como multitude de especiais; e o periódico dixital que se actualiza de forma continua (www.osil.info). O custo anual dunha subscrición é de 50 euros.
