Destacados resultados para os representantes valdeorreses que a pasada fin de semana acudían a Toro para disputar o Campionato de España Máster de campo a través. En total eran catro podios os que colleitaba o Club Adas Cupa do Barco.
Así, o equipo M45 masculino (Israel Ropero, Alejandro, Daniel Bargiela, J. Carlos Ferreira, Juan José Álvarez e J. Manuel García) convertíase en subcampión de España, o atleta Israel Ropero lograba a prata, e o equipo feminino F40 (formado por Esther Rodríguez, Iria Fernández, Martina Tasende e Elena Ledo) proclamábase campión de España. Ademais Esther Rodríguez lograba o bronce individual.
O Club Adas facía pública a súa noraboa “a todos” e agradecía a entrega dos seus atletas.
Fotos: Club Adas Cupa.
