Tralo éxito da primeira edición, a Asociación Cultural Abertal da Rúa organiza o II Magosto Foliada para o día 3 de novembro na praza de Fontei a partires das 18 horas.
O menú constará de bolo preñado, castañas asadas, bica, viño e refrescos. Os tíckets con desconto (a 6 euros só para socios e alumnos) poden collerse dende mañá na Casa da Cultura e os normais (a 8 euros) no propio magosto.
Este ano a foliada, durante o magosto e a continuación polos bares colaboradores, correrá a cargo de I.R .M. Trikititxa (Muskiz-Vizkaia), Os Recantos de Quiroga, Pándega (Valdeorras), Os Parrandas de Córgomo e Abertal da Rúa.
