Outro dos incendios que segue a preocupar na parte oriental da provincia de Ourense é o que se iniciaba o pasado venres en Pradoalbar (Vilariño de Conso), que afecta ao Parque Natural do Invernadeiro. Este lume, que segue activo, leva queimadas unhas 5.200 hectáreas (segundo os últimos datos provisionais recollidos pola Consellería do Medio Rural ás 13:30h. deste xoves).
O vento novamente está volvendo a complicar a situación deste incendio esta tarde e parece que o lume volta cara Pradoalbar e a fronte cara zonas como a Estación de Montaña de Manzaneda.
