O libro “Ultreya et Suseya, por el Camino de Inverno” presentarase en Toledo

Tras unha primeira presentación realizada o 1 de setembro no Barco, a obra “Ultreya et Suseya, por el Camino de Inverno” chega agora a terras castelás. Así para o vindeiro 20 de outubro está previsto un novo acto de presentación deste libro ás 11h. no salón de actos da Biblioteca de Castela A Mancha. Nel contarase coa presenza dos tres autores valdeorreses desta novela: Antonio Castro, David Vázquez e Patricia Fernández.

O propósito desta obra é “poñer en valor e dar a coñecer o Camiño de Inverno, que xurdiu como unha variante ao Camiño Francés para evitar as neves, as riadas ou os problemas que implicaba continuar cara Santiago polo Cebreiro”, en palabras dun dos seus autores, Antonio Castro Voces.