Bolos preñados, viño, doces, licores e por suposto castañas. É o menú que poderán degustar os asistentes ao magosto de Arcos (Vilamartín de Valdeorras) que se celebrará o sábado 4 de novembro a partir das 19:30 horas xunto ao centro social.
A festa de outono por excelencia, en torno ás castañas asadas, está organizada polas Mulleres Rurais coa colaboración da Asociación de Veciños de Arcos, da Asciación de Coveiros e do Concello.
O custo dos bolos é de 3 euros e poderán reservarse chamando aos números de teléfono que aparecen no cartel, antes do 1 de novemebro.
