Xa pode atoparse nos quioscos e librerías o “Especial Cristo 2024” que o Periódico O SIL vén de adicar ás festas grandes do Barco. Ao longo de 40, este monográfico fai un percorrido amplo e pormenorizado polas diferentes propostas do programa desta celebración, que comezará co pregón vindeiro 13 de setembro a cargo do empresario barquense José Prada Muradás, ao que se lle adica unha reportaxe.
Ademais recóllense os cultos relixiosos, tamén as propostas lúdicas, musicais ou os tradicionais fogos, así como os eventos deportivos como o Descenso Internacional do Sil ou a Milla.
Nas páxinas deste especial tamén se abordan diferentes informacións sobre a vida sociocultural do municipio, así como reportaxes de carácter histórico. Non faltan tampouco as aportacións dos nosos colaboradores, cuxo labor agradecemos dende estas liñas.
