Aínda que a tempada non comezará oficialmente ata mediados do mes de setembro, o Pizarras Los Tres Cuñados FS non descansa.
Ao longo dos meses de xullo e agosto foi perfilando o plantel do primeiro equipo para a nova tempada, coas renovacións e novas incorporacións que comeza hoxe a pretempada no pavillón de Calabagueiros. Un equipo que poderá verse completado trala IV xornada de portas abertas, prevista para o vindeiro martes 22 de agosto ás 19:30 horas.
E xa de cara ao mes de setembro, teñen programado o I Campus de Fútbol Sala para as categorías base. Será do 4 ao 8 (antes de comezar o curso escolar) en horario de 10 a 14 horas.
