Moi igualado estivo o partido de play off polo título de liga, disputado na tarde do 21 de abril no campo rues do Aguillón entre os infantís do CD Rúa e os do Pabellón Promesas. Eran os visitantes os que se adiantaban no marcador cun temperán gol no minuto 7, ao que os rueses respondían co empate no 21′. Sete minutos despois os amarelos dábanlle a volta ao marcador co segundo gol local, pero a resposta dos ourensáns foi inmediata rematando a primeira parte co empate a 2.
Nada máis comezar a segunda metade do encontro, os verdes volvían adiantarse e de novo os locais respondía logrando o empate a tres goles. A igualdade rompíase no minuto 78 co cuarto gol visitante que xa non tivo réplica por parte dos de Luis María Ferrer que perdían o encontro e os tres puntos en xogo.
O seguinte e último partido dos play off para os rueses será o 28 de abril no campo do Colexio Miraflores contra a ED Ourense.
Fotos: Mónica G. Bellver
