Reflexar as emocións, experiencias e reflexións dos que sobrelven a actual pandemia do coronavirus. Este é o obxectivo do libro “Memorias de la Covid-19. Relatos de la Fase 1”, editado polo neumólogo trivés Julio Ancochea e por Mario Braier. Ambos indican que os 87 relatos personais compilados transmiten unha “visión plural desta crúa realidade” a través dunha “radiografía humana do vivido e un enigma sobre o que supostamente nos depara un futuro tan cercano como incerto”.
Con prólogo de Federico Mayor Zaragoza (presidente da Fundación Cultura de Paz e ex director xeral da Unesco) e peche de Diego Gracia Guillén (presidente da Fundación Ciencias da Saúde), esta obra ten sido promovida pola Rede contra a Tuberculose e pola Solidaridade (Rede TBS-Stop Epidemias). Ao longo das súas 312 páxinas ofrece unha imaxe xeral “dun momento histórico singular que ispe as nosas carencias sistémicas e intenta afondar en ata onde chegan os nosos valores solidarios”, indican Braier e Ancochea.
O doutor Ancochea, xefe do servizo de Neumoloxía do Hospital Universitario da Princesa (Madrid), sinala no libro que esta pandemia “está poñendo á proba á nosa sociedade e a nós mesmos, a todos e cada un de nós. É o reto máis grande ao que nos temos enfrontado nunca e requeriu de respostas inmediatas antes situacións novas de gran complexidade. Todo isto esíxenos dar o mellor de nós mesmos, se ben acompáñanos unha dolorosa sensación de incerteza”.
Este libro pretende ser, en palabras dos seus editores, “unha visión sinceira desta realidade pandémica que cambiará o mundo tal cal o coñecemos; un espello concéntrico nun momento histórico no que tendemos a facer máis preguntas que a proclamar respostas. Este libro é unha aproximación, unha modesta aportación á convivencia cívica, unha chamada á esperanza”.
