A organización da XLII Feira do Viño de Quiroga, que se celebrará a derradeira fin de semana do mes de marzo, vén de iniciar a reunión coas adegas que poden participar neste certame. Nesta mostra poden participar todas as adegas da subzona Quiroga Bibei, ou que sen estar dentro desta subzona pero si dentro da Denominación de Orixe Ribeira Sacra, elaboren os seus viños con uva procedente de Quiroga, por contar con viñedos propios no municipio ou por mercar uvas a agricultores quirogueses.
A de onte foi a primeira xuntanza entre o alcalde de Quiroga, José Luis Rivera, e os representantes das adegas como toma de contacto para informar do desenvolvemento desta cita vitivinícola e saber a número de adegas que participarán. Sobre a mesa quedaron temas importantes que se tratarán en vindeiras xuntanzas como as casetas, o prezo de venta do viño ou o funcionamento do “Túnel do viño” -que por segundo ano abrirá a feira-, encamiñado a probar viños de referencia das adegas da zona que habitualmente non se beben na feira.
