Os pasos da Confraría de Xesús Nazareno de Viana do Bolo volvían percorrer esta localidade na noite do Xoves Santo. Ás 23h. daba comezo a tradicional “Procesión do Prendemento”, acompañada polo son do grupo de Tambores da parroquia de Viana. Despois, a medianoite tiña lugar a Hora Santa ante o Monumento, na igrexa parroquial.
Para velar pola seguridade no desenvolvemento desta procesión contábase coa colaboración da Policía Local de Viana e da Agrupación de Voluntarios de Protección Civil deste municipio.
Tamén o Xoves Santo, pero pola tarde, ás 20h., nese mesmo templo celebrábase a misa da Cea do Señor.
Fotos: Carlos G. Hervella.
Máis información sobre a Semana Santa de Viana do Bolo, no “Especial Semana Santa” en papel do Periódico O SIL.
