A intensa Semana Santa do Carballiño culminaba neste Domingo de Pascua coa celebración da Resurrección do Señor con misas ás 12h. e ás 19h. no Templo da Veracruz e tamén coa procesión Gloriosa da Resurrección.
A comitiva relixiosa, encabezada polo paso da Virxe das Dores ataviada con traxe de gloria e portada por membros da Confraría da Vera Cruz, partía ás 13h. dende o templo da Veracruz para logo seguir pola rúa dos Canteiros, Conde Vallellano, Rosalía de Castro, praza Maior e rúa Tomás María Mosquera ata finalizar na igrexa parroquial de San Cibrao.
A procesión estaba acompañada pola música da Banda da Confraría de Dores do Ferrol.
Fotos e vídeo: Carlos G. Hervella.
