Representantes das 34 adegas participantes na sexta edición do Festival do Viño da Ribeira Sacra de Monforte xuntáronse na tarde do 12 de xuño co alcalde de Monforte de Lemos, José Tomé Roca, no Salón de Plenos da Casa Consistorial para coñecer os detalles organizativos deste certame, que se desenvolverá na primeira fin de semana de xullo, do 5 ao 7. No encontro tamén participaban a tenente de alcalde, Gloria Prada, e o presidente do Consello Regulador da D.O. Ribeira Sacra, Antonio Lombardía.
Así o rexedor monfortino deulles a coñecer as novidades no deseño dos espazos e dos stands que cada adega ocupará no certame, así como o deseño das zonas comúns, e todo o programa de actividades que rodea ao evento.
Sorteo de ubicacións dos stans das adegas
O encontro cos adegueiros e adegueiras participantes no Festival do Viño da Ribeira Sacra de Monforte 2024 serviu tamén para levar a cabo o sorteo público da ubicación do stand de cada adega no Festival, sorteo que se levou a cabo mediante a extración do nome de cada adega dunha caixa habilitada para a ocasión.
Deste xeito, a orde foi a seguinte, colocándose a partir do novidoso pórtico de entrada do Festival:
- Vía Romana
- Pazo de la Cuesta
- Portoás
- Asolagados
- Cividade
- Cruceiro
- Santa Mª de Nogueira
- Adega Vella
- Adega Carqueixa
- Alouviño
- Finca Cuarta
- Ponte da Voga
- Cardenal Rodrigo de Castro
- Lucenza
- Alma das Donas
- Tolo do Xisto
- Condado de Sequeiras
- Petrón
- Tear
- Finca Míllara
- Os Cipreses
- Algueira
- Regina Viarum
- Gullufre
- Abadía da Cova
- Guímaro
- Castrofiz
- Don Bernardino
- Rectoral de Amandi
- Peza do Rei
- Galanteiro
- Viña Vella
- A Man de Prado
- Malcavada
Tomé agradeceu aos adegueiros o seu compromiso e o interese en participar neste certame. Do mesmo xeito, o presidente da D.O. Ribeira Sacra, Antonio Lombardía, que será o pregoeiro desta 6ª edición do Festival do Viño, agradeceu ao alcalde a promoción e a visibilidade que ten este Festival grazas ó traballo que se fai dende o Equipo de Goberno, e que tamén é posible pola colaboración dos adegueiros e adegueiras.
Pola súa banda, os adegueiros amosaron a súa satisfacción pola consolidación deste Festival do Viñe agradeceron ó Concello o interese e esforzo que fai ano a ano para organizar e celebrar un certame do que agardan atraia a milleiros de persoas a Monforte nesa fin de semana.
O alcalde tamén anunciou que o Paseo do Malecón permanecerá cortado dende o domingo 30 de xuño, para proceder á montaxe do Festival do Viño.