Os Peliqueiros tomaban a rúa de Campobecerros por vez primeira neste ano o Sábado de Entroido para recibir aos veciños a saída da misa. Iniciábase así o día grande da celebración nesta localidade de Castrelo do Val. A partir de aí, estas máscaras rondaban as rúas ata o xantar popular do mediodía, tras o cal regresaban. Non faltaban tampouco outras figuras propias deste Entroido como os Parranfós e, xa a media tarde, corría o borrallo, as formigas e a fariña.
Fotos: Alejandro Nieves.
