Nova proposta poética de Xoán Carlos Domínguez Alberte para a xente máis xove. Despois da boa acollida do seu anterior libro, “Versos para conversar”, este autor das terras de Celanova vén de publicar un novo poemario de 64 páxinas pensando nos lectores mozos. Trátase de “Soneto no alfabeto” (Galaxia, colección Costa Oeste), unha obra que presentaba na tarde do 8 de marzo na Libraría Punto e Coma de Ourense. Neste acto, o autor estaba acompañado por Delfín Caseiro Nogueiras e por Francisco Castro, director xeral de Galaxia.
Esta nova publicación de Domínguez Alberte é un “libro de sonetos nos que cada poema se centra nunha letra distinta da nosa lingua. Un exercicio lírico que demostra a relación feliz do autor coa lingua galega e que ás e ós mozos proporcionará momentos de gozo lector”, segundo a editorial.
Fotos cedidas.
