Gran acollida e participación da primeira edición do Concurso de Tortilla celebrado no marco do Mercado Medieval de Tremiñá-Veigamuíños. Contaba con máis dunha vintena de tortillas que eran valoradas por un xurado arredor das sete e media da tarde na praza de Tremiñá. Finalmente o fallo desta primeira edición era o seguinte. O primeiro premio (150 euros) correspondíalle á tortilla número 4 elaborada por Yoli e presentada pola Tapería Agarimo, en segundo lugar (75 euros) quedaba a de Yeni (nº 20), que conseguía ademais o cuarto premio (30 euros) pola tortilla nº 22. O terceiro (50 euros) correspondíalle á presentada por Cande, a número 18.
Despois de facerse público o resultado facíase unha degustación das tortillas presentadas neste certame.
Fotos: A.R.
