Conta atrás en Punxeiro (Viana do Bolo) para celebrar a XVI Festa da Vendima-Ruta das Adegas, prevista para mañá 12 de outubro e mantendo un esquema moi similar ao de anos anteriores. Quince adegas abrirán as súas portas nesta edición, que se iniciará a partir das 19h. tendo como punto de partida a praza da localidade. Aquelas persoas que non teñan adquirido entradas poden facelo o mesmo día da festa nun posto á entrada da localidade (a partir das 17h.).
A cita incluirá degustación do viño novo e petiscos típicos da zona nas diferentes adegas do pobo. O percorrido estará animado polas charangas Sorcha, Charanga Nova de Trives e BBB.
Despois, a festa continuará ao ritmo da orquestra La Ocaband e La Banda de Ayer. A celebración estará novamente organizada pola Comisión de festas de Punxeiro coa colaboración do Centro de Animación da localidade, así como co apoio doutras entidades como o Cocenllo de Viana do Bolo.
Como en anteriores edicións, a organización contará cun servizo de autobuses para facilitar que os participans poidan achegarse ata Punxeiro sen necesidade de usar os seus vehículos.
