Entre os actos da xornada inagural do Festival Internacional de Curtas (FIC) Vía XIV de Verín o 8 de setembro figuraba un Túnel do Viño da Denominación de Orixe Monterrei para todos os asistentes. Tiña lugar despois da proxección de “Un viaje hacia nosotros” e nel poñíanse en valor diferentes referencias de brancos e tintos da D.O. En concreto eran 15 brancos e 13 tintos os viños que se podían desfrutar.
Nesta actividade contábase coa presenza de representantes do Consello Regulador da D.O. Monterrei, entre os que estaba o seu presidente, Jonatás Gago.
Esta é unha das actividades “concibidas para resaltar os recursos enogastronómicos da comarca incluída dentro da axenda paralela do certame fílmico”, indican dende a organizacion do FIC. Ademais, ao mesmo tempo podía desfrutarse dun concerto de Banda de Garda.
Fotos e vídeos: Carlos G. Hervella.