Neste mediodía unha persoa quedaba atrapada por unha perna debaixo dunha máquina agrícola en Castro Caldelas. Os feitos sucederon nunha leira na avenida de Ourense, ao fío das 12:15 horas. Ata o lugar desprazábanse os efectivos do GES de Castro Caldelas, que liberaron ao home, segundo informa o 112 Galicia.
Foi a propia persoa accidentada quen alertou ao 112 Galicia e, a partir de aí, púxose ademais a situación en coñecemento de Urxencias Sanitarias de Galicia-061, da Garda Civil e de Protección Civil.