Arredor das 10:40h. deste martes 13 de agosto producíase un accidente de tráfico na avenida de Portugal do Barco, nas proximidades da gasolineira de Veigamuíños, segundo informa o 112 Galicia. No sinistro colisionaban dous vehículos, un de cuxos ocupantes resultaba ferido
O 112 Galicia tivo constancia do accidente a través da alarma dun dos propios vehículos implicados e, decontado, procedeu a alertar a Urxencias Sanitarias-061, aos bombeiros do parque comarcal, ao GES Valdeorras, a Protección Civil e á Policía Local. Esta última xa estaba avisada do accidente.
Dende o 112 Galicia tamén informan de que os bombeiros do parque comarcal, antes de regresar á súa base, confirmaban que a persoa ferida fora trasladada en ambulancia ao hospital para recibir atención sanitaria.
