Unha ruta para desfrutar dos soutos de Vilariño de Conso no outono

Ás nove da mañá partirán o vindeiro 27 de novembro da praza do Concello de Vilariño de Conso os participantes na 1ª Andaina de Outono neste municipio. Nesta actividade que mestura o deporte coa natureza e o patrimonio, os camiñantes poderán descubrir fermosos recantos deste concello de alta montaña seguindo a chamada “Ruta dos Soutos” (PGR-118), un sendeiro homologado dende o ano 2009 pola Federació Galega de Montaña.

Estímase que o remate da andaina será a partires das 13h. no mesmo punto da saída. Os interesados en participar nesta ruta, que organiza o Concello de Vilariño de Conso, poderán inscribirse chamando ao teléfono 988 34 03 02.