De “éxito rotundo” califican dende o CD Barco o primeiro triangular benéfico que na tarde do mércores 4 de xaneiro reunía no campo municipal de Calabagueiros aos tres equipos sénior de fútbol de Valdeorras: CD Barco, CD Rúa e CD Córgomo Vilamartín.
A pesar do frío invernal e da tarde desapacible con chuvia a ratos “o resultado era o de menos reinando a deportividade e o bo facer de todos os deportistas”, destada o presidente do Barco, Nilo Ramos quen, en nome do equipo anfitrión, agradece “aos nosos equipos veciños a súa participación” desexando que esta iniciativa solidaria teña continuidade para futuras edicións.
No trianggular, con entrada gratis a cambio de alimentos non perecedoiros recolléronse “en torno a media tonelada”, asegura Nilo, adiantando que segundo o previsto pasarán a mans de Cáritas O Barco para a súa xestión.
A nivel deportivo, os primeiros en xogar (partidos de 45 minutos de duración cada un) eran o CD Barco e o CD Córgomo resolvéndose o encontro co 2-0 favorable para os vermellos. O segundo partido enfrontana ao CD Barco co CD Rúa resolvéndose con outro 2-0 favorable para os os locais; e o terceiro ao CD Córgomo-CD Rúa resolvéndose cun empate 1-1.
Nesta iniciativa tamén houbo mostras de ánimo para Villa (CD Rúa), gravemente ferido nun atropelo mentres traballaba no mes de decembro, a ao rematar houbo una pequena pinchada no campo.
Fotos e vídeo: Carlos G. Hervella.
Máis información e fotos: