Sen ningunha incidencia e segundo o previsto se desenvolvía en Verín a súa primeira feira desde a entrada en vigor do estado de alarma, coincidindo coa posta en marcha da fase 1 da desescalada.
Este mercado ao aire libre, un dos primeiros de Galicia, celebrábase na Alameda e de acordo coa normativa exposta pola consellería do Medio Rural, coa venda só de produtos agrícolas e de alimentación.
A Policía Local foi a responsable de vixiar a distancia mínima persoal, evitando calquera contacto social que non tivera por obxecto a compravenda, así como de regular o acceso para evitar as aglomeracións.
Fotos: Concello de Verín
