Numerosas persoas de todas as idades sumábanse á celebración do magosto popular de Viana do Bolo. Esta tradición recuperábase, tras o obrigado parón da pandemia, na tardiña deste domingo 14 de novembro no Toural.
Os protagonistas eran os bullotes, pero tamén os asistentes tamén podían degustar bolos preñados, bica e viño, ademais de auga, refrescos. Para poder asistir hía unha entrada cun donativo de 3 euros, con ela os participantes recibían, de forma individualizada o bolo preñado, a bica e as bebidas, e logo nunha bandexiña as castañas.
E como broche do magosto, había queimada e moita festa, neste caso ao son dunha charanga. Este magosto estaba organizado polo Concello de Viana do Bolo en colaboración coa Asociación de Mulleres Rurais Bibei.
Fotos cedidas.
