Xiana Pungín (Adas), ouro en 60 ml e 500 m no campionato de España para atletas con déficit visual

Tres medallas conquistaba a atleta alevín Xiana Pungín (Club Adas do Barco) nos campionatos de España para atletas con déficit visual que se disputaban o 16 de xuño en Segovia. Pungín facía dobrete de ouro na categoría Sub12 ao ganar a proba dos 60 ml e a de 500 m, mellorando ademais a súa marca persoal na primeira das distancias.

Subía tamén ao podio para recoller a medalla de prata na modalidade de lonxitude, mellorando tamén “amplamente a súa marca persoal”, matizan dende o Adas. “Gran campionato un ano máis desta xove promesa do atletismo. Parabéns para ela, para os seus pais e irmán, que tamén lograba impoñerse na proba Opel de 500 e era segundo na lonxitude”, engaden dende o club valdeorrés.