Novo éxito para o piragüismo valdeorrés. O barquense Raúl Prada Pérez, adestrado por Jabucho e que forma parte do Club Piragüismo Verducido-Pontillón, vén de facerse este domingo 30 de maio co ouro en K4 cadete na Copa España Xoves Promesas na distancia de 1.000 m.
Nesta competición, celebrada en Trasona (Avilés), Raúl compartía barco con David Pazos, Anxo Estévez e Miguel Anxo Franco. O seu K4 completaba a proba nun tempo de 3:18.978.
Fotos: Lois Prada F.
