Estanislao Reverter, fillo predilecto de Ourense a título póstumo

O Concello de Ourense vén de nomear hoxe a Estanislao Reverter fillo predilecto da cidade a título póstumo. A votación contou co apoio da maioría dos grupos políticos e de preto de 1.200 adhesións de particulares, institucións e empresas. Ademais, tamén se acordou pórlle o seu nome aos xardíns do lado da Subdelegación do Goberno, co cal dende hoxe serán os Xardíns Estanislao Reverter Sequeiros.

A cidade homenaxea deste xeito a un dos deportistas máis célebres na historia de Ourense, pois foi dos primeiros pilotos españois que chegou a competir no estranxeiro. Coñecido como “Lalao”, foi tamén o organizador e creador do Rallye de Ourense e o fundador da Escudería Ourense, asentando e abrindo camiño a posteriores xeracións.