Renóvase a Estrutura Organizativa de Xestión Integrada (EOXI) de Ourense, Verín e O Barco, á fronte da cal estaba Eloína Núñez. O novo xerente é Dionisio López Bellido (Salamanca, 1963), licenciado en Medicina e Cirurxía pola Universidade de Salamanca, é especialista en Uroloxía polo Hospital Puerta de Hierro de Madrid.
O doutor Dionisio López ten experiencia en xestión de calidade e dirección de proxectos e entre o 2002 e o 2004 foi xerente do Hospital Comarcal Valdeorras (HCV). Leva máis de dez anos en postos de xefaturas e xerencias, ocupando ata a actualidade a xefatura do Servizo de Uroloxía da EOXI de Ourense, Verín e O Barco de Valdeorras.
Por outra banda, a anterior xerente ourensá, Eloína Núñez pasa a asumir a dirección da EOXI de Santiago.