Esta mañá está previsto que execute a sentenza xudicial do desafiuzamento completo das instalacións de Irosa-Samaca, tras a resolución favorable á Comunidade de Montes de Portela e Trigal. Esa execución estaba prevista para as 9:30h. deste 29 de novembro, pero no intre de escribir estas liñas aínda non se realizara. Na imaxe pode verse como os representantes do comité de empresa e dos sindicatos CIG e CCOO agardan no exterior desta empresa, situada no municipio de Carballeda de Valdeorras.
