¿Como se fabrican os fogos artificiais?, ¿por que un raio láser non é capaz de atravesar un refresco de cola?, ¿como podemos ver as bacterias que hai nunha gota de saliva?
Todas estas preguntas terán resposta no espectáculo científico que o Parque Tecnolóxico de Galicia – Tecnópole organiza para mañá venres 13 de marzo no Barco de Valdeorras, no marco do programa de actividades de celebración do décimo aniversario da maior feira científica de Galicia, a Galiciencia.
O primeira sesión tiña lugar a semana pasada en Ourense e mañá, uns 150 alumnos de centros educativos dos concellos de Carballeda de Valdeorras, O Barco de Valdeorra e A Pobra de Trives asistirán no IES Lauro Olmo a un espectáculo científico que lles permitirá coñecer os fundamentos da luz a través de experimentos espectaculares.
Haberá dúas sesións, unha ás 11:15 e outra ás 12:30h.