Continúan as boas noticias para a atleta valdeorresa Inés Docampo Gamarra (Club Adas Cupa), que competía a pasada fin de semana en pista cuberta na Reunión FAM de Gallur (Madrid). Na proba de 1.500 m absoluta feminina quedaba terceira cunha marca de 4:36.95, o que, segundo destaca o presidente do club valdeorrés, Agustín González, “garántelle a súa presenza no nacional de pista cuberta de febreiro”.
