Preto das tres da tarde deste xoves 25 de xaneiro producíase un accidente de tráfico en Petín, no que se vían implicados un coche e unha bicicleta.
O suceso tiña lugar na estrada central da vila, preto da praza, onde o vehículo que estaba estacionado daba marcha atrás antes de saír golpeando nunha bicicleta que pasaba nese momento. A consecuencia do impacto o cicllista caía ao chan.
Ata o lugar dos feitos desprazábanse voluntarios de Protección Civil de Petín, membros do GES Valdeorras e da Garda Civil de Tráfico, así como unha ambulancia do 061 que trasladaba ao ciclista ao Hospital Público Valdeorras.
