Unhas 300 persoas desfrutaban da pasada noitiña dun animado Magosto en Sacardebois (Parada de Sil), que ademais celebraba ao seu patrón, San Martiño. Trátase do Magosto máis antigo deste municipio, segundo conta a súa veciñanza, e á fronte desta festa estaban Luis de Mouca e Amadeo, ao “mando das castañas”, e Yoli ao mando da cociña cos chourizos.
O alcalde de Parada de Sil, Aquilino Domínguez, agradecía a implicación da veciñanza para que este magosto, no que tampouco faltaba a música, siga collendo pulo.
Fotos cedidas.
