A cuarta edición do “Desafío 42-Ourense Termal” celebrarase os días 20 e 21 de maio nos termos municipais de Coles, Pereiro de Aguiar e Ourense, e que converterán á provincia de Ourense,unha competición que aúna turismo e deporte nunha carreira de 42 quilómetros dividida en tres probas. A proba presentouse esta hoxe, 10 de maio, na contorna termal de Outariz, na capital ourensá, e contou coa participación do vicepresidente da Deputación de Ourense, Rosendo Fernández; do ex campión do mundo de maratón, Abel Antón; do director de “Desafío 42”, Serafín Martínez; do concelleiro de Deportes de Ourense, Mario Guede; do tenente de alcalde de Pereiro de Aguiar, Manuel Doval; do alcalde de Coles, Manuel Rodríguez; e das representantes de Banco Mediolanum e Renault Luis Aragonés.
O vicepresidente do Goberno provincial destacou que esta proba, “ademais do atletismo, pon en valor a riqueza termal que posúe a nosa provincia aglutinando nun mesmo evento deporte, turismo e termalismo”.
Pola súa parte, o dobre campión do mundo de maratón, Abel Antón, padriño desta cuarta edición, asegurou que participará nesta proba “Desafío 42-Ourense Termal”.
O Desafío comezará o vindeiro sábado, 20 de maio, ás 16:00 horas, coa media maratón de Coles e, ás 21:15 horas, a competición trasladarase ao Concello de Pereiro de Aguiar, onde se disputará a segunda etapa, a “6k Sunset Encoro de Cachamuíña”. Ao día seguinte, 21 de maio, a partir das 11:00 horas, celebrarase a 15 quilómetros de Ourense-Banco Mediolanum, cun percorrido polas rúas da capital e polas beiras do río Miño. Asemade, os máis cativos poderán gozar nas tres localidades de carreiras infantís gratuítas, dirixidas a nenos e nenas de ata 14 anos, “cun premio de 120 euros en material deportivo para o colexio que inscriba a máis alumnos en cada categoría”, dixo Serafín Martínez.
Os interesados en participar poderán inscribirse na web www.championchipnorte.com ata o vindeiro día 17 de maio, e poderán disputar as tres probas ou só unha delas optando, neste último caso, só a clasificación individual de carreira. Ademais haberá unha clasificación xeral na que se incluirán a todos aqueles que completen todo o percorrido e unha clasificación por equipos para os participantes que se anoten en grupos mixtos de tres persoas, representando ao equipo, en cada unha das etapas, un dos integrantes.
