Entre os nadadores que na mañá deste domingo 25 de agosto disputaban a Travesía a Nado do Lago de Sanabria (Zamora) había tan só dous galegos. Tratábase de Benito Quiñones e de Eloy Jesús Rodríguez, membros do Club Natación Valdeorras.
Ambos competían na distancia de 3.000 metros, cuxa saída tiña lugar ás 10:30h. A proba partía da praia de Viquiella en Galende, que era tamén a súa meta. Na travesía incluíanse as distancias de 6.000 metros, 3.000 metros, 1.500 metros e 800 metros.