Asinan un convenio con Abanca para fomentar as actividades que melloren a seguridade dos traballadores
Empresarios do polígono de San Cibrao asinaron esta mañá un convenio con Abanca para levar a cabo un programa de actividades que fomenten a seguridade no ámbito laboral. O acordo céntrase na posta en marcha de iniciativas que reduzan os sinistros e premien ás firmas e aos traballadores máis concienciados.
A sinatura foi realizada dunha banda polo presidente da Asociación de Empresarios do Polígono de San Cibrao, José Elías Mera, e doutra banda o director territorial de Abanca en Ourense, Rubén Saavedra. Este convenio vén a prolongar a colaboración entre ambas partes, logo do acordo financeiro suscrito o pasado mes de abril, mediante o cal se fixaba un crédito como peza básica para a posta en marcha de novos proxectos.