Ás 20:32 h. da tarde deste venres 17 de xullo quedaba estabilizado o lume forestal da parroquia de Pardollán (Rubiá), que afecta ao parque natural da Serra da Enciña da Lastra. Este incendio comezaba ás 13,05 h. de hoxe.
Segundo novas estimacións, a superficie estimada é dunhas 40 hectáreas, sendo esta medición provisional ata que se parametrice a superficie final afectada, tal e como informa a Consellería do Medio Rural. Para o control deste lume lévanse mobilizado 1 técnico, 7 axentes, 14 brigadas, 4 motobombas, 4 helicópteros e 11 avións.
