A localidade vilamartinesa vivía unha noite de teatro coa participación de membros de diferentes grupos da comarca
Baixo o lema “En construción 2013” o teatro afeccionado regresaba un ano máis a Córgomo o 24 de xullo. En torno á media noite, véspera do Día de Galicia, dábanse cita na praza do pobo ata oito agrupacións teatrais de Valdeorras que ofreceron ao público asistente, breves representacións das súas últimas obras e incluso monólogos, sempre en clave de humor. Entre elas, Anita Moral do grupo Pisabarros de Vilamartín, entretuvo ao público coa historia do “Loro paparachiño”.